Shugaban Najeriya: Kur'ani Tushen Haske da Hikima da natsua
Bola Tinubu ya bukaci al’ummar Musulmin Najeriya da su yi riko da koyarwa, dabi’u, da manufofin Alkur’ani mai girma, domin Nijeriya ta shaida kuma ta samu daukaka.
Da yake jawabi a wajen bikin karramawar da Mahaifiyarsa marigayiya, Abibatu Mogaji ta shirya a gasar karatun Alkur’ani a Kano ranar Asabar da ta gabata, wanda Sanata Bashir Lado ya shirya, shugaban ya jaddada cewa littafin mai tsarki cikakken jagora ne ga bil’adama, tushen fitilu, hikima.
Tinubu wanda babban mai taimaka masa na musamman kan harkokin siyasa da sauran su, Ibrahim Masari ya wakilce shi ya ce, “Wannan gasar karatun Al-Qur’ani ta wuce fafatawar bajintar murya kawai, amma tafiya ce ta ruhi, shaida ce ta sadaukarwa, tarbiyya da sadaukarwa.
“Alqur’ani maganar Allah ce, cikakken shiriya ga bil’adama, mabubbugar haske, hikima da ta’aziyya, don haka wajibi ne ga dukkan al’ummar musulmi su canja labarin.
"Ina kira gare ku da ku yi riko da koyarwar wannan littafi mai daraja domin tabbas hakan zai kai mu ga zaman lafiya da kwanciyar hankali inda za a samu ci gaban al'umma ba tare da kiyayya da zubar da jini ba".
Tinubu ya ci gaba da cewa, “Yayin da muka shaida wannan Kyakyawar Karatu a yau, bari mu tuna da sakon Al-Qur’ani mai girma na zaman lafiya, hadin kai, Adalci da tausayi, mu yi kokarin ci gaba da soyayya ta hanyar karantarwarta.
